الحياة المتوازنة – الجزء الاول
الحياة الصحية اللي فيها التوازن في كل جوانب الحياة ما بتيجي بسهولة هي ليست وصفة او علاج نحصل عليه من طبيب. الحياة المتوازنة هي حياة هادفة وممتعة حياة فيها نحقق ذواتنا ونجد بها الرضا والامتلاء. كتير من الناس حولنا تشكو وتتذمر على حياتها وما بتمتلك اللى بترغب فيه من فرح وسلام داخلى . حتى نصل لحالة التوازن ونختبر الأفضل بهاى الحياة ، علينا ان نكون مستعدين لأخذ بعض الخطوات العملية البسيطة لتحقيق هدفنا وبلوغ الارتياح ونوع الحياة اللى بنسعي لتحقيقها .
حلقة اليوم سأناقش أربع مكونات لجوانب الشخصية الإنسانية
- الجانب الجسدي
- الجانب الفكري او العقلي
- الجانب النفسي او العاطفي
- واخيراً الجانب الروحى
البعض من المختصين بيفصلوا بين الجانب النفسي والجانب الفكري يتعاملوا معهم كأنهم وحدتين منفصلتين عن بعض في تكوين الشخصية.
والبعض بشوفهم مندمجتين وما يمكن فصلهم عن بعضهم. فى حديث اليوم انا أفضل ان أفصل بين الاثنين لمجرد اعطاء صورة اوضح . وانت تستطيع ان تختار لنفسك. الحياة المتوازنة هى امر يشغل ملايين من الناس. وكيفية تحقيقه ليس بالأمر السهل. وانا نفسي لا ادعي انى وصلت لحالة التوازن فى هاى الجوانب الأربعة ولكن دائماً اسعي للتغيير. الحياة المتوازنة هي عبارة عن رحلة تبدأ بالتعرف على الحقائق وجوانب الشخصية الإنسانية لتصل لمرحلة الاستنارة والادراك الداخلي. وهي مختلف من شخص لأخر. الاهتمام بتطوير جانب واحد شئ جيد ولكن ليس كفاية مثلاً:
الزرع لا ينموا او يعطى ثمار بشكل تلقائي. هو محتاج لتوفر عناصر مهمة مثل الارض الخصبة ، المياه والشمس نفس المبدأ في حياتنا حتى نصل للتوازن لازم ننتبه ونطور كل الجوانب ، وان لا نركز على جانب واحد في حياتنا فقط. لأن كل جانب بيأثر على الجانب الأخر ، وبشكل شخصية الانسان. قبل ان ابدأ الحديث بالموضوع بالتفصيل أحب اذكر ان حياتنا مهما طالت ، فهى قصيرة جداً ، وبلحظة وبطرفة عين ممكن تنتهي . الحياة اللي خلقنا فيها هي مصممة حتى نعيش ونختبر السعادة ونحقق الأفضل لأنفسنا وللأخرين. ومين صاحب القرار فى بلوغ هذا النوع من الحياة الممتلئة والمتوازنة هو بالتأكيد كل شخص فينا. كل جانب من الجوانب الاربعة ممكن نتكلم عنه لساعات ولكن اذكركم ان اليوم فقط اعطي مقدمة بسيطة للموضوع
أولاً: الجانب الجسدي او المادي
الجانب الجسدي هو بيعبر عن أمور تخص حياتنا الجسدية او صحتنا الجسدية نوع الحياة اللى بنعيشها والمعتمد على نوع الغذاء والمياه الي بنشربها والتمارين الرياضية على عادات النوم عدد الساعات والاوقات اللى بنحتاج ننام فيها.
هل عناصر الغذاء اللي بتناوله متكامل على قدر الإمكان ؟ هل نختار الافضل من غذاء لجسدنا ؟ ولا خلاص بنتبع العادات الغذائية اللى الكل حوالينا بيعملها؟
لو كان الطعام الي بتناوله صحي وغني بالعناصر المغذية وبنفس الوقت شربنا الكثير من المشروبات الغازية والعصائر الي فيها السكر الصناعي واكلنا الحلويات بشكر مستمر نحنا ما راح نستفيد من الأكل الصحي اللى صرفنا عليه ممكن بشكل كبير. لو اكلنا أفضل طعام وتناولنا المكملات الغذائية والفيتامينات اللي محتاجيها ، وعندنا عادة مثل عادة الدخان او تناول الكحول بشكل مستمر ايضاً احنا بنأذى جسدنا . كتير من الناس بيشوفوا تغيير البعض من عاداتهم الغذائية امر صعب جدا هو في الحقيقة امر يتطلب ارادة واتخاذ خطوات صغيرة مش لازم نفكر بطريقة انه لازم اغير كل حياتى والان الافضل انه نبدأ نفكر بطريقة انه ابدأ بخطوات بسيطة خطوات عملية ولكن بسيطة وعلى المدى الطويل كثير من الناس غير قادرين على تغيير عاداتهم الغذائية بسبب اعتقاداتهم الخاطئة ونظرتهم السلبية للحياة الفكر السائد انه كلنا راح نموت وان فلان مات وهو شاب او مرات نبحث عن الاستثناءات حتى نبرر تصرفاتنا وما نحاول التغيير اقصد ان احنا مرات نبحث عن الاستثناءات ونقول مثلا فلان كان يأكل ويشرب وما كان يهتم بصحته او وعاش فترة طويلة وكان شخص نشيط احيانا نتبع الاغلبية حتى نبرر تصرفاتنا الكل يعمل كذا وكذا وكل الناس بتاكل وبتشرب هذا النوع من الأكل وهذا الشراب ياريت نقيم حياتنا بناء على قناعاتنا وعلى ما هو الافضل النا الحياة اللي بنعشيها هي ثمينة فعلا هى نعمة محتاجين نحافظ عليها وما نعتمد على الاستثناءات او الاغلبية حتى نبرر الخطأ ونستمر فيه من اسلوب الحياة الغير صحي طريقة التفكير الصحية بنوع غذائنا طبيعة حركتنا واهتمامنا بجسدنا يتطلب ارادة وتصميم تغيير نظرتنا لهذه للأمور تغيير طريقة تفكيرنا هي نقطتنا الثانية بحلقة اليوم
ثانياً: الجانب الفكري
الجانب الفكري هي قدرتنا على التفكير واتخاذ القرارات وهي ما يميزنا عن كل الخليقة
الحرية والارادة الحرة المبنية على قيم ومبادئ معينة نتبناها في حياتنا
الابحاث والدراسات بتشير على انه احنا نستطيع ان نغير فكرنا ونتحكم ونسيطر على عاداتنا ووجهات نظرنا والطريقة اللي تعودنا نفكر فيها كل ما فحصنا نوع الافكار اللى بتدور في اذهاننا كل ما زاد فرص نجاحنا يعني ما نسمح للأفكار التلقائية هي توجهنا واقصد بالتلقائية الافكار السلبية نستطيع ان نرفض الفكر السلبي فى حياتنا تحررنا من بعض الأفكار الغير نافعة واللى هى فعلا مضرة لصحتنا العقلية التحرر من عقلية لاحظني شوفني انا مهم انا عندي انا موهوب او انا ناجح انا الاول انا غني انا عندي بيت حلو انا شكلي جميل
- التحرر من عقلية جذب الانتباه لنفسك ولقدراتك
- هذا النوع من الفكر يعرضنا لمقارنة أنفسنا بالأخرين
- بتخلي عيوننا على الأخرين
- بتضيع تركيزنا على ما نملكه ونصبح أسرى لرضا الناس علينا
- التحرر من عقلية المقارنة مع الاخرين
- أفضل مقارنة ممكن نعملها هى مقارنة أنفسنا مع أنفسنا
- تقدمنا الشخصي المبني على التعب واجتهاد وليس المنافسة مع الأخرين
- التحرر من الماضي عن طريق المسامحة والغفران
- التحرر والتصالح مع أنفسنا وقبول ذواتنا بكل امكانياتها
- التحرر من نفسية “هذا ما جناه على ابى” لأنه احنا المسؤولين عن حياتنا
- التحرر من لوم الأخرين
- التحرر من تقصير الأهل الأصدقاء
- الظروف المرض اللى سبب لنا اعاقة معينة او فشل معين بحياتنا
هل بتعرفوا ان لدغة الحية ما بتميت الانسان لكن السم اللى بيجرى في جسم الانسان هو اللى اللي ممكن يميت الإنسان او يسبب بأذى كبير بما معناه ان احنا ما عندنا القدرة اننا نحصن أنفسنا ابدا من تحديات الحياة مصاعبها.. المرض ..الخسارة في العمل والعلاقات ولكن نقدر نختار طريقة جديدة فى التعامل مع الموضوع ان ما نيأس من أنفسنا وقدرتنا على التكيف والتغير كل صعوبة فى الحياة بنمر فيها ممكن تنقلنا من مكان لمكان اعلى او تحبطنا وتجعلنا ناس نتراجع عن الثقة بانفسنا وامكانياتنا هذا كله معتمد على قرار منا هاى المشاعر ان كانت ايجابية او سلبية من ثقة بالنفس العزيمة تصميم عدم الاستسلام او الكأبة حتى والخوف هى اللى راح تنقلنا لحديث عن
ثالثاً: الجانب النفسي في الانسان
ما نسميه الجانب العاطفي كلنا وبدون استثناء بنختبر مشاعر غير مريحة او مزعجة مشاعر بتسبب نفور من موقف او حتى من شخص معين معظم الناس ما بيعرفوا كيف يتعاملوا مع مشاعرهم هما اما يتجاهلوها او بيحاولوا قمعها وهذا الشئ غير صحي ابدا النوع الثاني من الناس هم دايماً بيعبروا عن مشاعرهم يتكلموا عن الامور اللى بتزعجهم مع انفسهم ومع الناس بكل مكان ومع الكل انزعاجهم من الناس انزعاجهم من الحكومات من الجو من الاهل من العمل وهذا ايضا غير صحي معظم الأهالى تعلم اولادها سلوكيات صحية مثل الاهتمام بنظافة الاسنان يشرب المي بأكل خضروات او الفواكه ولكن القليل من الاهل من يعلم اولاده ان يهتم بصحته النفسية اهتمام الاهل اكتر يكون بسلوكيات الاولاد وشكلهم من الخارج درجاتهم ومستواهم فى الدراسة وسلوكهم امام الناس ولكن ماذا عن الجروح النفسية اللى بيواجهها الطفل الشخص مثل الفشل والشعور بالوحدة والشعور بالرفض عمرك سمعت عن اهل او شخص بالغ بيقول للطفل اللى وقع او انصاب وانجرح بإيده او انجرح جسمه “يلا مو مشكلة اترك الجرح عادي” ولا بياخد الطفل وبيغسل له الجرح ويطهره حتى ما يحصل مضاعفات ولكن بنشوف هذا الكلام بيحصل لما نشوف شخص مكتئب “يلا مشيها ما تعقد الأمور الدنيا ما خلصت” علبة السجائر مكتوب عليها تحذيرات ان هذا الدخان ممكن يسبب السرطان التهاب رئة وامراض لا حصر لها ولكن ما بنسمع عن احاسيسنا او المشاعر اللى بنمرق فيها والخطورة اللى بتسببها على جسم الانسان وصحته هل عمرك شفت شخص ماسك سكين بيجرح نفسه بيجرح بإيده او بجسمه ممكن تشوف هذا الشئ بالأشخاص المضطربين او اللي فقدوا الحس بالحياة حولهم لكن ينجرح أنفسنا نفسيا وما بنهتم للموضوع لازم نتوقف ونفحص نوع المشاعر اللي بنمر فيها الحل ليس بالهروب والتجاهل الحل بالتوقف والفحص الحل اننا نعترف بوجود اشياء تزعجنا ونقبل ان نتعامل معها الحل ان نكون حاضرين فى تلك المشاعر نتحمل مسؤلية شخصية
نرفض ان نكون مسلوبين الارادة نرفض نفسية الضحية التحكم بمشاعرنا هى قدرتنا على النظر لأنفسنا فى مرآة وقبول ذواتنا بكل العيوب اللى فيها نصبح اصدقاء لأنفسنا لطفاء مع انفسنا حتى نكون لطفاء مع الاخرين نحب انفسنا حتى نقدر نحب الاخرين اهتمامنا بالجوانب الجسدية الفكرية والنفسية اللى فى حياتنا ما بيتحقق الا من خلال اهتمامنا بصحتنا الروحية وهاى اخر نقطة فى حديث حلقة اليوم
رابعاً: الجانب الروحي
بتكوين شخصيتنا هو الأساس لأنه برجعنا للمصدر مصدر ومركز وجودنا او سبب وجودنا هو وجود الخالق الحياة الروحية هى قدرتنا على التواصل مع الخالق وعبادته العبادة الداخلية اللى ما بيعرفها غير الانسان نفسه والله حياتنا الداخلية اللى فيها نستمد الفرح والسلام الحقيقي الشكر الامتنان الرضا عن أنفسنا
الجانب الروحى هو أعمق وأكبر وأغنى بكثير من مجرد طقوس وعادات او مظاهر تدين اللى بنحرص ان تشوفها الناس فينا ان كان بشكلنا او لبسنا او المكان اللى بنروح نصلى فيه وحتى المجموعة اللى بننتمي الها الجانب الروحي هو مو ساعة الصلاة او الزيارة اللى بنعملها مرة بالأسبوع لمكان معين الحياة الروحية هو التواجد في محضر الله كل الوقت وكل مكان الله خلقنا ووضع فى داخلنا هذا الشوق والرغبة لمعرفته والتواصل معاه الثقة والايمان بعمله وخطته الشخصية لكل واحد خلقه هو أفضل شيء ممكن نسعى لتحقيقه وأفضل معروف تعمله لنفسك اهمالنا للجانب الروحي هو أكبر خطأ ممكن نرتكبه بحق أنفسنا اللى بيسبب خلل كبير وتشويش فى حياتنا بالكامل فى حلقة اليوم تكلمنا عن الحياة المتوازنة اللى فيها نحتاج نهتم بكل الجوانب الاربعة على شخصيتنا الانسانية تكلمت عن الجانب الجسدى او المادي عن الجانب الفكري او العقلى والجانب النفسي او العاطفي وختمت بموضوع الجانب الروحي من خلال حديثى مع بعض الناس اللي سمعوا الحلقات الماضية وجدت ان الناس فعلا مستفيده من اللى بتسمعه لذلك أحب أشجع الجميع على التواصل الشخصي معى اعرف ان المواضيع المطروحة مو سهلة يمكن تشعروا انكم محتاجين توضيح أكثر او عندكم اسئلة ترغبوا بطرحها وما بترغبوا بطرحها امام الناس اشجعكم على ان تراسلوني
ارغب بسماع تعليقاتكم واقتراحاتكم للمواضيع الجاية
